НОВОСТИ / АНОНС

8 красавіка, 16 дэпутатаў Смаргонскага раённага Савета дэпутатаў на чале са старшынёй Іванам Іванавічам Рамановічам прынялі ўдзел у пасадцы лесу ў рамках рэспубліканскай акцыі “Тыдзень лесу-2016”.

У раёне “Залатой горкі” высаджвалі бярозкі.

6 мая 2016 года:

9.00 — Рэгістрацыя і кава-паўза ў Смаргонскім гісторыка-краязнаўчым музеі (вул Кутузава, 23, другі паверх). Агляд экспазіцыі музея.

10.00 — Ад’езд ад гасцініцы “Смаргонь” у напрамку на Ашмяны.

10.30 — Смаргонь — Кушляны-ІІ (каардынаты №54°26.504ґ E26°10.581ґ). (21 км.) Экскурсія ў музеі-сядзібе Францішка Багушэвіча. (Дырэктар музея Алесь Пятровіч Жамойцін).

11.00 — Праезд праз Кушляны-І і Асіпаны на Солы (30 км). Наведванне Сольскага касцёла (экскурсаводы: Уладзімір Пятровіч Прыхач, Мар’ян Мікалаевіч Дукса). Выступленне народнага фальклорнага ансамбля “Валэйчанка” (Сольскі Дом культуры).

11.45 — Праезд праз Дзевятні да бівака ў ландшафтна-батанічны заказнік Блакітныя азёры (пры спрыяльным надвор’і). Юшка-паўза (экскурсавод Уладзімір Уладзіміравіч Прыхач) (45 км).

12.30 — Прыбыццё ў а/г Жодзішкі (61 км.). Экскурсія да гісторыка-культурных аб’ектаў: кальвінскі збор, калегіюм, старажытны млын (экскурсавод Уладзімір Прыхач), наведванне школьнага гістарычнага музея.

13.15 – наведванне аграсядзібы “Віта” (в. Вайнідзеняты, гаспадыня Алена Яўгенаўна Махнач — аграсядзіба «Віта», в. Вайнідзеняты, 51, т. 80298887519, сайт usadbavita.by, usadbavita.narod.ru).

13.30 — Смаргонь (80 км). Наведванне мемарыялу памяці ахвярам Першай сусветнай вайны (экскурсавод Уладзімір Прыхач). Ускладанне кветак.

14.15 — Міхневічы, прыпынак ля Пакроўскай царквы.

15.00 — Залессе, музей-сядзіба М. К. Агінскага (http://oginskizalesse.by., oginski-muz@tut.by) (91 км). Тэатралізаваная экскурсія (дырэктар Людміла Уладзіміраўна Градзіцкая).

16.00 — Пераезд у Смаргонь (105 км). Падвядзенне вынікаў у раённым Цэнтры культуры. Кава-паўза.

17.00 — Ад’езд.

Прэс-аўтапрабег па гісторыка-культурных аб’ектах Смаргонскага раёна праводзіць установа “Рэдакцыя газеты “Светлы шлях” сумесна з аддзелам ідэалагічнай работы, культуры і па справах моладзі Смаргонскага райвыканкама. Запрашаем у пятніцу, 6 мая, далучыцца да сумеснага праекта калег з раённых, рэгіянальных, абласных і рэспубліканскіх сродкаў масавай інфармацыі.

Аўтапрабег па знакавых мясцінах Смаргоншчыны прымеркаваны да Дня друку і Дня Перамогі. Мэта падарожжа – папулярызацыя гісторыка-культурнай і літаратурнай спадчыны Смаргонскага раёна дзеля прыцягнення ўвагі аматараў вандровак, інвестараў і мецэнатаў да культурна-турыстычнага патэнцыялу рэгіёна.

Гістарычная спадчына, адна з галоўных частак якой — помнікі архітэктуры, з’яўляецца каштоўным скарбам, што пакінулі нам продкі. У нашым раёне знаходзяцца як тыповыя ўзоры культавых пабудоў, так і шэраговыя помнікі, якія, хаця і не з’яўляюцца «зоркамі першай велічыні», але спрыяюць захаванню гістарычнага ландшафту краю.

Падчас вандроўкі ўдзельнікі прэс-аўтапрабегу наведаюць музей-сядзібу ХІХ — пачатку ХХ ст. слыннага паэта-дэмакрата, пачынальніка новай беларускай літаратуры Францішка Багушэвіча. У аграгарадку Жодзішкі іх увазе будзе прадстаўлена экскурсія да гісторыка-культурных аб’ектаў ХVI – XVII ст. кальвінскага збору, калегіюму езуітаў, старажытнага млына. У праграме аўтапрабегу наведванне ўнікальнага прыроднага заказніка Блакітныя азёры, аграсядзібы “Віта”, мемарыялу памяці ахвярам Першай сусветнай вайны і інш. Цікавая тэатралізаваная імпрэза-экскурсія чакае падарожнікаў у нядаўна адноўленым палацы грамадскага дзеяча і кампазітара Міхала Клеафаса Агінскага ў Залессі.

Просім да 29 красавіка 2016 г. паведаміць аб сваім удзеле ў прэс-аўтапрабегу і ўказаць колькасць удзельнікаў. Наяўнасць свайго транспарта абавязковая. Кантактныя тэлефоны: 8-01592 – 384-16; 8- 01592- 384-22. E—mail: taiga.nat@mail.ru

Весенняя ЯРМАРКА “Сад, дача, огород” состоится 9 апреля по ул. Я. Коласа с 9.00 до 14.00.

На ярмарке будут представлены в широком ассортименте продовольственные и непродовольственные товары, посадочный материал плодовых и ягодных культур, однолетних и многолетних цветов, декоративных кустарников, хвойных растений, сельскохозяйственный и садово-огородный инструмент и др.

Отмена концерта ГУО «Сморгонской детской школы искусств имени М. К. Огинского»

Внимание! 9 апреля концерт отменяется. Музей-усадьба приносит свои извинения.

Штогод 7 красавіка адзначаецца Сусветны дзень здароўя. Ідэя правядзення такога дня была прапанавана на першай асамблеі Сусветнай арганізацыі аховы здароўя ў 1948 годзе. Кожны год СААЗ выбірае якую-небудзь важную праблему аховы здароўя і заклікае ўсіх людзей прыняць удзел у мерапрыемствах, падкрэсліваючы важнасць добрага самаадчування. Сёлета тэмай дня стала прафілактыка дыябету.

У гэты дзень на гарадскім стадыёне супрацоўнікі аддзела ідэалогіі, культуры і па справах моладзі Смаргонскага райвыканкама разам з актывістамі БРСМ організавалі акцыю, прысвечаную Дню здароўя, пад назвай “Мы галасуем за здароўе”.

У мерапрыемстве прынялі ўдзел школьнікі горада і ліцэісты. Перад імі выступілі ўчастковы інспектар інспекцыі па справах непаўналетніх Аляксандр Кезік і ўрач-гігіеніст Смаргонскага занальнага цэнтра гігіены і эпідеміялогіі Алена Маякова, якая расказала пра тое, што дзякуючы здароваму харчаванню, рэгулярнай фізічнай актыўнасці, падтрыманню нармальнай вагі тела, адказу ад курэння можна пазбегнуць многіх хвароб, у тым ліку і прадухіліць або адтэрмінаваць захворванне на дыябет другога тыпу. Потым удзельнікі акцыі ў якасці размінкі прабеглі круг па стадыёне і выканалі практыкаванні фізкультурнай зарадкі пад кіраўніцтвам дырэктара центра фізкультурна-аздараўленчай і спартыўнай работы з насельніцтвам Міхаіла Калітовіча і інструктара Юрыя Марціновіча.

Хочацца спадзявацца, што маладое пакаленне разумее: важна не проста жыць, трэба жыць здаровым.

З 8 красавіка па 22 мая ў музеі-сядзібе М. К. Агінскага пройдзе персанальная выстава нашага добрага сябра, мінскага мастака-жывапісца Алега Драбышэўскага пад назвай “Водар Радзімы”, прысвечаная Году культуры ў Беларусі.

Творчая дзейнасць А. Драбышэўскага шырока вядома, яго карціны экспануюцца ў Беларусі і за мяжой, знаходзяцца ў музеях, галерэях, прыватных калекцыях шматлікіх краін свету, матэрыялы пра мастака змешчаны ў многіх выданнях, у тым ліку і ў кнізе “Памяць” Астравецкага раёна, энцыклапедыі “Рэспубліка Беларусь”. Не так даўно работы мастака выстаўляліся і ў Смаргонскім краязнаўчым музеі, нязменна выклікаючы ў наведвальнікаў самыя найлепшыя водгукі.

Любоў да роднага куточка на Астравеччыне, да ўсёй беларускай зямлі знайшла адлюстраванне на палотнах “Родны кут. Гудагай. Табарышкі”, “Чубэйка 50-х”, “Напрамак да музея. Астравец”, “Сонечнасць Траецкага…”, “Паўночныя Афіны Агінскага” і іншых. Народны пісьменнік Беларусі Іван Шамякін адзначыў асаблівасць пейзажаў мастака – абагулены вобраз Радзімы. На выставе будуць прадстаўлены дзве новыя карціны, спецыяльна напісаныя да Года культуры. Кожны наведвальнік зможа выказаць свае меркаванні і прапановы адносна назвы гэтых твораў.

А ўрачыстая прэзентацыя гэтай выставы пройдзе ў сусветны Дзень культуры, 15 красавіка. Яна будзе суправаджацца канцэртам музыкаў і творчай моладзі з духоўна-патрыятычнага аб’яднання “Светач” пры Маладзечанскім палацы культуры. У сустрэчы прымуць удзел дырэктар фонду культуры і адукацыі Юлія Савіцкая, прадстаўнікі маладзечанскага дабрачыннага фонду “Спадчына М. К. Агінскага” і смаргонскага раённага дабрачыннага фонду “Паўночныя Афіны М. К. Агінскага”. Уваход для ўсіх вольны.

Новай культурнай традыцыяй жыхароў нашага раёна становіцца наведване музычных канцэртаў у палацы Міхала Клеафаса Агінскага. З надыходам вясны канцэрты сталі яшчэ больш частымі. Супрацоўнікі музея склалі план музычных мерапрыемстваў на першае паўгоддзе 2016 г. і змясцілі яго на сайце oginskizalesse.by. Але хочацца яшчэ больш падрабязна расказаць пра найбліжэйшыя мерапрыемствы, каб зацікавіць аматараў жывой музыкі і сапраўднага мастацтва.

9 красавіка ў 15.00 гледачоў усцешаць бездакорным выкананнем народных мелодый і песень два выдатныя калектывы Смаргонскай дзіцячай школы мастацтваў імя М. К. Агінскага – народны ансамбль “Явар” і ўзорны ансамбль народнай песні “Кучарочкі”. Гэтыя калектывы ўжо даўно заваявалі прызнанне смаргонскай публікі, а запрашэнне іх на канцэртную сцэну музея-сядзібы Агінскага — сведчанне таго, што песні і мова насельнікаў гэтай зямлі не маглі быць абыякавыя славутаму кампазітару, які пражыў тут шмат гадоў і перажыў пры гэтым важныя падзеі свайго жыцця.

У першай палове мая (дата яшчэ ўдакладняецца) адбудзецца канцэрт пад чароўнай назвай “Вечар раманса”. Канцэрт дасць Астравецкая дзіцячая школа мастацтваў. Мы будзем мець магчымасць параўнаць працу выкладчыкаў і навучэнцаў школ двух суседніх раёнаў. Дата наступнага канцэрта ўжо дакладна вядомая – 14 мая. Да нас прыедзе інструментальны калектыў Мінскага музычнага каледжа імя М. Глінкі, кіраўнік А. Каляда. Выкладчыкі і студэнты каледжа лічаць за гонар выступіць у сценах палаца слыннага кампазітара. Рэпертуар калектыву – ад класічнай да сучаснай музыкі.

21 мая, у Сусветную ноч музеяў, гасцей сядзібы чакае сустрэча з вядомым беларускім бардам і паэтам Канстанцінам Цыбульскім і яго творчым калектывам. Канстанцін выступаў у нас ужо ў мінулым годзе і хоча правесці гэтае свята менавіта з намі.

Да музычных мерапрыемстваў можна аднесці і чарговы дзіцячы баль, прымеркаваны да Дня абароны дзіцяці і запланаваны на 4 чэрвеня. У яго правядзенні прымуць удзел мінскія музыкі. Да цёплых сустрэч у музычнай сядзібе!

У сераду ў актавай зале райвыканкама адбылася традыцыйная сустрэча маладых спецыялістаў з кіраўніцтвам райвыканкама і кіраўнікамі дзяржаўных службаў. Прывітаў прысутных старшыня райвыканкама Генадзь Харужык, які ў сваім выступленні адзначыў важнасць першых крокаў у асваенні абранай прафесіі і набыцці вопыту для фарміравання дзелавых якасцей маладых спецыялістаў. Са свайго боку Генадзь Васільевіч абяцаў моладзі падтрымку і садзейнічанне ў вырашэнні праблем.

Намеснік старшыні райвыканкама Генадзь Бычко запэўніў, што сапраўды ініцыятыўныя, актыўныя і крэатыўныя юнакі і дзяўчаты могуць разлічваць на садзейнічанне з боку мясцовага кіраўніцтва ў плане кар’ернага росту і вырашэння бытавых праблем.

Аб сітуацыі ў будаўнічай галіне рэгіёна апавядаў намеснік старшыні райвыканкама Аляксандр Бажыдай. Аляксандр Рыгоравіч моцна не ўзрадаваў слухачоў цэнамі на адзін квадратны метр жылля і на кошт пляцовак для прыватнага будаўніцтва, але расказаў пра магчымасці з атрыманнем на першых парах койкамесца ў інтэрнатах, а таксама пазнаёміў з тымі правамі, што маюць грамадзяне прызнаныя маючымі патрэбу ў жыллі. Маладым педагогам, якія пажаліліся, што ім адмовілі ў пастаноўцы на чаргу на атрыманне месца ў інтэрнаце, была дадзена парада звярнуцца ў райкам прафсаюза работнікаў адукацыі або непасрэдна да кіраўніка раёна.

Начальнік аддзела ідэалогіі, культуры і па справах моладзі райвыканкама Таццяна Ражэва пазнаёміла з культурным жыццём Смаргоншчыны, асноўнымі напрамкамі дзейнасці ўстаноў культуры і параіла часцей заходзіць на сайт аддзела і сайты ўстаноў, якія могуць прапанаваць цікавыя мерапрыемствы і змястоўнае правядзенне вольнага часу.

Цікавіліся маладыя спецыялісты магчымасцю распачаць сваю прадпрымальніцкую дзейнасць і парадкам рэгістрацыі рамеснікамі. Аб асаблівасцях уплаты падаткаў гэтай катэгорыяй грамадзян апавядала намеснік начальніка падатковай інспекцыі Валянціна Ражэва. З аператыўнай абстаноўкай у раёне пазнаёміў начальнік РАУС Аляксандр Клімянкоў, а пра дасягненні мясцовай медыцыны – галоўны ўрач Сяргей Кудзянчук. Аб магчымасцях крэдытавання інфармацыю данесла Наталля Клуйша, галоўны спецыяліст філіяла ОАО “АСБ Беларусбанк”

Пришла весна – пора бегать

Наконец погода на улице стала соответствовать календарной весне. Наступила благодатная пора для любителей бега.

6 апреля в парке Победы, что на улице Каминского, прошел ежегодный весенний легкоатлетический кросс среди школьников города и района.