27 июня 2018 г.
Наша Смаргоншчына – край з багатай гісторыяй, вялікай духоўнай спадчынай, якія неабходна вывучаць і зберагаць для будучых пакаленняў. Гэта той агеньчык, якія асвятляе душы нашых дзяцей, прымушае іх беражліва і з гонарам адносіцца да тых мясцін, дзе яны нарадзіліся. Асабліва актуальна гэта ў Год малой радзімы, якім аб’яўлены 2018 год.
![Сядзіба Агінскага.jpg Сядзіба Агінскага.jpg](http://www.shliah.by/upload/medialibrary/e49/e49f8be75298e991acd92f2aae197445.jpg)
Вывучэнне роднага краю адкрывае шырокія магчымасці для пошуку, даследавання, нават адкрыццяў. Гэтым і вырашылі заняцца выхаванцы аздараўленчага лагера “Залесяняты” Залескага яслі-сада – сярэдняй школы. Праект змены нагадвае карціну, якая складаецца з 18 яркіх пазлаў. Кожны дзень – адзін з пазлаў, сабраўшы якія адзін да аднаго ў канцы змены можна сказаць: “Мы ведаем пра сваю малую Радзіму дастаткова, каб з гонарам звацца залесянятамі!”
Пад час працы аздараўленчага лагера яго выхаванцы шмат даведаліся пра залескі край.
Колькі прыгожых вырабаў умеюць рабіць нашы народныя майстры! У гэтым мы пераканаліся, наведаўшы раенны Дом рамёстваў, дзе нам расказалі і паказалі і расказалі аб тым, якія цудоўныя вырабы вырабляюць майстры сваімі рукамі. Асабліва запомнілася тое, што дзеці мелі ўнікальную магчымасць сваімі рукамі паспарабаваць нават ткаць палатно!
![Дом раместваў.JPG Дом раместваў.JPG](http://www.shliah.by/upload/medialibrary/832/83255ecd3d3dda62b167ed17f9e91091.JPG)
Нашу мясцовасць звязваюць з іменем М.К.Агінскага. Выхаванцы лагера, наведаўшы музей-сядзібу знакамітага земляка, не толькі яшчэ раз успомнілі яго жыццё і творчасць, але і правялі даследчую экспедыцыю, пад час якой ім удалося знайсці малюска планорбіса, які водзіцца ў азёрах Францыі і Германі. Як ён трапіў да нас? Гэту загадку нам яшчэ патрэбна разгадаць.
Успомнілі мы таксама і яшчэ адзін брэнд Залесся – батлеечны тэатр, які нам прадставілі работнікі Залескага СДК. Дзеці мелі магчымасць не толькі пабываць на спектаклі, але і пазнаёміцца з гісторыяй з’яўлення балейкі на Беларусі, а таксама з тым, як яе адраджалі на залескай зямлі.
Залескі край славіцца сваімі праваслаўнымі традыцыямі, аб якіх мы даведаліся, наведаўшы царкву Пакрова Прасвятой Багародзіцы ў вёсцы Міхневічы. У час экскурсіі бацюшка расказаў нам, што царква пабудавана ў 1866 годзе з бутавага камення, а за гады свайго існавання ніколі не зачынялася для набажэнстваў.
![Наведванне царквы.JPG Наведванне царквы.JPG](http://www.shliah.by/upload/medialibrary/d63/d6315e3f452091e097c1677a6bd199c0.JPG)
![Наведванне царква.JPG Наведванне царква.JPG](http://www.shliah.by/upload/medialibrary/de7/de7dfa9d0caaba5282472f47bde87fda.JPG)
Не забыліся мы і пра тых, хто ў гады Вялікай Айчыннай вайны аддаў сваё жыцце за Радзіму. Пад час акцыі “Ад помніка да помніка” выхаванцы ўспомнілі ахвяр ваеннага ліхалецця, усклалі кветкі да помнікаў, добраўпарадкавалі тэрыторыю ля іх.
![Ад помніка да помніка.jpg Ад помніка да помніка.jpg](http://www.shliah.by/upload/medialibrary/826/826a36d7ff1a504d64bea2a47371dc49.jpg)
Беларусы ўмеюць слаўна працаваць, а яшчэ любяць смачна паесці, а бульбу лічаць другім хлебам, таму адзі з пазлаў нашай карціны быў прысвечаны нашаму другому хлебу і прайшоў пад дэвізам” Смакаты на свеце шмат, а вось бульба - проста клад” . Падчас даследавання мы даведаліся, што з бульбы можна прыгатаваць некалькі тысяч страў.Мы таксама вучыліся “капаць” бульбу, абіраць. А як смачна было частавацца прыгатаванымі стравамі!
Гісторыя Залесся неразрыўна звязана з гісторыяй Смаргоншчыны, у чым мы пераканаліся, пабываўшы ў Крэўскім замку, які быў сведкам многіх гістарычных падзей на нашай зямлі.
![Экскурсія Крэва.JPG Экскурсія Крэва.JPG](http://www.shliah.by/upload/medialibrary/37e/37e2bd28d2e6e079b18ca7536f6cbe9c.JPG)
Мы навучыліся рабіць сваімі рукамі васілёк, а яшчэ даведаліся, што наш непаўторны брэнд – лекавая расліна.
Выхаванцы мелі магчымасць пазнаёміцца з народнымі танцамі, які для іх паказалі удзельнікі ўзорнага фальклорнага калектыву “Нальшчаначка” Жодзішкаўскай яслі-сада – сярэдняй школы.
![Майста-клас танцы.JPG Майста-клас танцы.JPG](http://www.shliah.by/upload/medialibrary/e19/e19378e43fe5a71597fc3fc1c14f071f.JPG)
![Майстар-клас па танцах.JPG Майстар-клас па танцах.JPG](http://www.shliah.by/upload/medialibrary/cb5/cb5801a7dd4cedfe40cae61df8eebc7b.JPG)
Кожны дзень дзеці дабаўлялі пазл, ствараючы карціну сваёй малой радзімы, якая расказала аб тым, што залеская зямля унікальная, прыгожая, таямнічая.... І ў канцы змены ўжо ўпэўнена сцвярджаюць: «Мы ведаем пра сваю Радзіму не вельмі шмат, але дастаткова, каб з гонарам звацца залесянятамі!».
А.Э. ВАРАНІШЧА, дырэктар лагера
www.shliah.by