Конкурс хлебабулачных вырабаў праходзіў у Свіслачы, у межах каравай-фэсту «Бацькава булка». На конкурс былі прадстаўлены хлеб і пірагі, прыгатаваныя з прымяненнем нетрадыцыйных відаў сыравіны, а таксама вырабы з цеста ў выглядзе караваяў і пано, на якіх знайшлі адлюстраванне гістарычныя падзеі і аб’екты.
Кандытар смаргонскага хлебазавода Наталля Гісіч прадставіла на конкурс «Бацькаўшчына» каравай «Мядзведжая акадэмія», журы адзначыла яе работу дыпломам ІІІ ступені. Заахвочвальную прэмію атрымала работа «Паўночныя Афіны», якую выканала качагар вытворчых пячэй Валянціна Пашкевіч.
