12 июня 2018 г.
Дзяржаўны музей гісторыі беларускай літаратуры сумесна са Смаргонскім раённым выканаўчым камітэтам запрашае 16 чэрвеня 2018 года а 13-й гадзіне на музычна-паэтычнае мерапрыемства “Кушлянскі фэст”, які адбудзецца ў музеі-сядзібе Францішка Багушэвіча “Кушляны”.
У кожнага чалавека ёсць мясціна, якая яго ачышчае, выгойвае і мацуе. У першую чаргу гэта месца, дзе чалавек нарадзіўся. Але для ўсіх беларусаў роднымі з’яўляюцца і Кушляны. Бо менавіта яны далі моц Францішку Багушэвічу, а ён умацаваў наша з вамі агульнае імя – “беларусы” і абудзіў сапраўдны голас і годнасць роднай мовы.
Сімвалічна, што ў Год малой радзімы Дзяржаўны музей гісторыі беларускай літаратуры аднаўляе традыцыю правядзення свята песні і паэзіі “Кушлянскі фэст”.
Дата правядзення: 16.06.2018.
Час: 13.00-17.00
Месца правядзення: філіял “Музей-сядзіба Францішка Багушэвіча “Кушляны” (а/г Кушляны, Смаргонскі раён, Гродзенская вобл.)
Арганізатары: Дзяржаўны музей гісторыі беларускай літаратуры, Смаргонскі райвыканкам
Сцэна на тэрыторыі філіяла:
13.00-14.00 – урачыстае адкрыццё фестывалю:
- вакальна-харэаграфічная кампазіцыя “Прывітальная”, выконвае – народны калектыў народнай песні і танца “Вечарынка”;
- прывітальныя словы ад Смаргонскага раённага выканаўчага камітэта;
- прывітальныя словы дырэктара Дзяржаўнага музея гісторыі беларускай літаратуры З.Л.Яцкевіча;
- прывітальныя словы загадчыка філіяла А.П.Жамойціна;
- урачыстыя словы прадстаўнікоў літаратурных аб’яднанняў Я.Янушкевіча, А.Бутэвіча;
14.00-16.00 – канцэртная праграма фальклорных калектываў Смаргонскага раёна:
14.00-14.30 – народны калектыў народнай песні і танца “Вечарынка” аддзела культуры і вольнага часу “Жодішкаўскі Дом культуры”
14.30-15.00 – народны фальклорны калектыў “Валэйчанка” сельскага клуба в. Валейкавічы “Валейкавічскі сельскі клуб”
15.00-15.20 – народны фальклорны калектыў в. Шутавічы аддзела культуры і вольнага часу “Сінькоўскі Дом культуры”
15.20-15.40 – аматарскі калектыў мастацкай творчасці сектара культуры і вольнага часу “Сольскі Дом культуры”
15.40-16.00 – аматарскі калектыў мастацкай творчасці сельскага клуба а/г Кушляны “Кушлянскі сельскі клуб”.
Дзіцячая пляцоўка ля сядзібы Ф.Багушэвіча (14.00-17.00):
- музейна-педагагічны занятак “Фэсцік: гулянне ў народным стылі”;
- традыцыйны беларускі тэатр лялек “Батлейка”;
- музейна-педагагічны занятак “Сам зраблю батлеечную ляльку”;
- віктарына “Пяць крокаў да запавету Мацея Бурачка”;
- аквагрым.
Бард-сядзібнік ля каменнай аборы (15.00-16.30):
15.00 – Зміцер Бартосік;
15.30 – Міхаіл Бараноўскі;
16.00 – Андрэй Мельнікаў;
Экскурсіі па сядзібе Францішка Багушэвіча ад Алеся Жамойціна:
- пачатак экскурсій у 14.00, 15.00, 16.00 (кошт – 5 руб.)
Для жадаючых паехаць з Мінска арганізаваны аўтобус з экскурсійным суправаджэннем вядомага краязнаўцы Антона Астаповіча.
Ад’езд ад Вострава слёз а 8-й гадзіне.
Кошт паездкі па маршруце Мінск – Жупраны – Кушляны – Мінск:
- дарослыя – 15 руб.
- школьнікі, навучэнцы, студэнты – 7руб. 50 кап.
- дзеці да 5 гадоў – бясплатна
Месца правядзення: Гродзенская вобл., Смаргонскі раён, в. Кушляны
Кантактныя тэлефоны: (017) 334–57–82, 334-56-21
