З 25 сакавіка 2016 года ў Смаргонскім гісторыка-краязнаўчым музеі адкрыецца выстава “Верны спадарожнік беларусаў”. Выстава арганізавана сумесна з аддзелам традыцыйнай культуры “Раённы Дом рамёстваў” і УТЦСАН “Цёплы дом”. На ёй прадстаўлены:
• ручнікі, вышыванкі, сурвэткі (аўтар – Войтка З.І., якая з’яўляецца членам Саюза Майстроў Беларусі);
• ручнікі з фондаў смаргонскага гісторыка — краязнаўчага музея;
• работы дэкаратыўна-прыкладнога мастацтва Залесскага Дома рамёстваў: тканыя паясы (аўтары – Горбач Т.В. і Расошка М.Б.); саламяныя вырабы і цікавыя рэчы, вязаныя кручком (аўтары –Логач Н.В., Кенько Н.У., Найдзіч Ж. І.);
• абрусы, стальніцы, сурвэткі, карціны вышытыя ў розных тэхніках (аўтары: Аксеніна Л.У., Лебедзева Т. І., Пугаўкіна Н.М., Леонава Р.П.);
• арыгінальныя работы ў тэхніцы дэкупаж і інтэр’ерныя лялькі (Каранкевіч В. І.);
• падарункавыя наборы і паштоўкі ў тэхніцы “скрапбукінг”, якія прадставіла Харужык К. Г. Шчыра запрашаем усіх жадаючых убачыць і адчуць свет непаўторнага і прыгожага ў мастацтве. За дадатковай інфармацыяй можна звярнуцца па тэл.: 61990 і 34492