Школьныя канікулы – гэта не толькі пасіўны адпачынак ад вучэбных заняткаў, але і магчымасць актыўна правесці вольны час.
22 сакавіка ў спартыўным комплексе “Юнацтва” сабраліся прадстаўнікі сярэдніх школ №№ 1, 3, 5, 7 і гімназіі для ўдзелу ў спартландыі. Арганізавалі мерапрыемства БРСМ, ІСН Смаргонскага РАУС сумесна з дзяржаўнай установай "Смаргонскі цэнтр фізкультурна-аздараўленчай і спартыўнай работы".
Рознаўзроставыя каманды рабят актыўна ўдзельнічалі ў разнастайных эстафетах, а на трыбунах іх не менш актыўна падтрымлівалі балельшчыкі. У выніку ўпартай барацьбы першае месца заняла каманда СШ №7, другое – гімназіі, трэцяе – СШ №5.
Усе ўдзельнікі гульні атрымалі салодкія падарункі, а пераможцы – яшчэ і дыпломы раённай арганізацыі грамадскага аб’яднання “Беларускі рэспубліканскі саюз моладзі”.
