Ад усяго сэрца віншуем вас з адным з самых светлых святаў - Днём маці!
Вобраз маці па праве ўвасабляе ў нашым народзе каханне, чуласць і дабрыню. Цяпло мацярынскай любові сагравае кожнага з нас з першых хвілін жыцця. Мама - першы і галоўны настаўнік, мудры дарадца і самы адданы сябар. Менавіта мама закладвае ў душы сваіх дзяцей духоўна-маральную і культурную асновы, прадвызначаючы кірунак развіцця асобы.
Менавіта таму з сучасных святаў Беларусі Дзень маці, безумоўна, прыняты ўсімі людзьмі і з’яўляецца адным з самых значных.
Для нас важна павышэнне прэстыжу сямейных каштоўнасцей і вяртанне да ідэалаў моцнай сям’і. На гэта накіравана сацыяльная палітыка дзяржавы: вялікая ўвага надаецца пытанням аховы мацярынства і дзяцінства, падтрымцы шматдзетных бацькоў, паляпшэнню дэмаграфічнай сітуацыі.
Усё больш духоўна багатых людзей, якія гатовы дарыць бацькоўскую любоў дзецям-сіротам. Асаблівай павагі заслугоўваюць шматдзетныя і прыёмныя маці - за самаадданую працу, душэўную шчодрасць і сардэчнасць.
Жадаем усім мамам, каб у іх дамах заўсёды жыло шчасце і радасць, каб родныя і блізкія былі здаровымі, а мары выконваліся.
Раённы выканаўчы камітэт.
Раённы Савет дэпутатаў.
Раённае аб’яднанне прафсаюзаў.
Раённы савет ветэранаў.